Në kohën kur pritej të ishte sërisht fitues në zgjedhjet e datës 14 nëntor, në Federatën Shqiptare të Peshëngritjes, presidenti Theodhor Masllavica ka dhënë dorëheqjen, duke e futur shtangën shqiptare në kaos. Masllavica ka bërë të ditur se është detyruar të tërhiqet nga posti "për arsye personale", ndërsa ka theksuar se dorëheqja është e parevokueshme.
NJOFTIMI I MASLLAVICËS
Të nderuar Miq, Sportistë dhe bashkëpunëtorë,
Në cilësinë e Presidentit të Federatës Shqiptare të Peshëngritjes, dua tju njoftoj se për arsye personale jap dorëheqjen nga pozicioni i Presidentit dhe kandiatura ime për pozicionin e Presidentit në zgjedhjet e dt. 14.11.2020. Këtë dorëhqje e jap në mënyrë të parevokueshme.
Dëshiroj të falenderoj të gjithë mbështetësit dhe bashkëpunëtorët e mi për të cilët kam një vlerësim maksimal dhe besoj se do tia dalin në çdo arritje sportive.
Me respekt
Theodhor Masllavica
