Nuk është momenti më i mirë për Kosovën, që duhet të përballet në ndeshjen vendimtare me Maqedoninë e Veriut, pas një serie aspak pozitive. Pandemia e ka stopuar Kosovën atëherë kur nuk duhej dhe tani, në playoff për Nations League, që mund ta cojë përfaqësuesen më të re të kontinentit në finalet e Euro 2021, për herë të parë në histori, skuadra e Challandes prezantohet me mungesa shumë të rëndësishme: "Pandemia na ka ndihmuar shumë sepse shumë lojtarë kanë qenë të papërgatitur, të karantinuar, disa me Covid, pastaj ka ndikuar edhe pjesa e ndryshimit të klubeve për disa lojtarë - ka thënë presidenti i Federatës së Kosovës Agim Ademi për RTSH Sport-. Megjithatë përvecse atyre që janë të dëmtuar, të tjerët tani janë kthyer në formë".
Numri 1 i futbollit kosovar është i shqetësuar mbi të gjitha për mungesën e konfirmuar të Rrahmanit, kapitenit të kombëtares e Muriqit, që është grumbulluar, por rrezikon të mos jetë në fushë, duke qenë se sapo ka kaluar Covid 19: "Kemi shumë mungesa si Muriqi dhe disa të tjerë që janë të lënduar. Është edhe Rrahmani, kapiteni që është i karantinuar. Është një mungesë e madhe për ne, por shpresoj shumë në kualitetin e lojtarëve që janë grumbulluar dhe rëndësinë që ka kjo ndeshje për të dalë me rezultat pozitiv"
Në fund presidenti e ka mbyllur me një batutë, në lidhje me derbin mes presidentëve shqiptar, duke qenë se në krye të Maqedonisë së Veriut është Muamed Sejdini: "Absolutisht. Jemi më shumë se miq madje, jemi si vllëezer me Metin dhe cilido qoftë rezultati, do të ruajmë marrdhëniet tona si gjithnjë", përfundoi Ademi.
