I ftuar në “Zone e Lirë”, Berisha ka folur për zërat e një largimi të mundshëm të LSI-së nga koalicioni me PD-në pas zgjedhjeve të 25 prillit.
Ne përgjigjen e tij, ish-kryeministri Berisha tha se Edi Rama i tmerrohet faktit për ti dhënë Ilir Metës postin e Ministrit të Brendshëm.
Ish-kreu i demokratëve theksoi se marrëdhëniet në koalicionin e PD janë më të forta se kurrë dhe se “fundi i Ramës” sipas tij është i pashmangshëm.
“Nuk e besoj që do të ketë largim të LSI-së. Koalicioni opozitar është solid” – tha Berisha.
Berisha foli dhe për ambicien e tij për të qenë në Parlamentin e ri, por tha se s’e ka vendosur ende se ku do kandidojë në zgjedhjet e 25 prillit. ©LAPSI.al
