Mazhoranca nuk ka humbur kohë dhe ka mbledhur sot Konferencën e Kryetarëve për të futur në rend të ditës ndryshimet kushtetuese në Kodin Zgjedhor.
Në mbledhjen e Konferencës së Kryetarëve është vendosur data 1 tetor për të kaluar në Kuvend këto ndryshime.
Deri më 30 shtator është afati i Komisionit të Posaçëm Parlamentar për të reflektuar mbi këto ndryshime, teksa në Këshill Politik nuk duket të ketë konsensus. Mazhoranca dhe opozita parlamentare kanë dorëzuar nga një draft, ndërsa përfaqësuesi i Partisë Socialiste në Këshillin Politik, Damian Gjiknuri ka paralajmëruar se me apo pa opozitën jashtëparlamentare, ndryshimet kushtetuese do të reflektohen në Kodin Zgjedhor brenda afatit.
