Seanca plenare e së enjtes shënoi një përplasje mes kryeministrit Edi Rama dhe kreut të partisë “MUNDËSIA”, Agron Shehajt.
Ishte ky i fundit që fillimisht publikoi një video në rrjetet sociale të replikave me Ramën duke shkruar: “Është fshehur pas Erion Veliajt, Belinda Ballukut, Ilir Beqajt! Tani është radha e këtij të dalë para drejtësisë. Edi Rama, jep dorëheqjen!”
Nuk vonoi replika e Ramës që publikoi një video në rrjetet sociale të shoqëruar me shënimin: “Kushedi si rrotullohet në varr i ndjeri Mit’hat Frashëri me këta karagjozë të dalë nga koteci i kokës. Natën, shijojeni me kë ju do qejfi dhe mos e çani kokën për ulëritësit e rrugëve, se aq u mban koteci të shkretëve”.
Kryeministri Edi Rama u shfaq sot në Kuvend pasi duhej edhe vota e tij për të miratuar amnistinë penale që kërkonte 84 vota. ©LAPSI.al
