Dy persona janë kapur në Rinas teksa tentonin të kalonin kufirin me dokumente të falsifikuara. Në njoftim e bërë thuhet se Shërbimet e Policisë Kufitare kanë vënë në pranga shtetasin I. N., 22 vjeç, për veprat penale “Falsifikimi i pasaportave ose vizave” dhe “Dhënie ndihme për kalim të paligjshëm të kufijve” dhe GJ. P., 30 vjeç, për veprën penale “Falsifikimi i letërnjoftimeve, pasaportave ose i vizave”. Shtetasi I. N. i ka shitur një kartë identiteti greke me të dhënat e tij, shtetasit GJ. P., i cili ka tentuar të udhëtojë për në Angli.
Nga Policia Kufitare e Rinasit, në muajin shtator, janë evidentuar dhe goditur edhe 12 raste të tjera, konkretisht 7 raste për falsifikim të pasaportave dhe letërnjoftimeve, 3 raste për dhënie ndihme për kalim të paligjshëm dhe 2 raste për mosdeklarim të vlerave monetare.
