Katy Perry duket se ka bërë një thumbim publik ndaj ish-të fejuarit të saj, Orlando Bloom, gjatë një koncerti në Spanjë.
Këngëtarja e hitit “Firework” ishte në skenën e festivalit O Son do Camiño në Santiago de Compostela, kur gjatë interpretimit të këngës së saj “Never Really Over” u shfaq një skenografi e veçantë me një telefon gjigant.
Në ekran u shfaqën disa telefonata të rreme nga ish-partnerët e saj. Mes emrave që tërhoqën vëmendjen ishin DJ Diplo, inicialet “JM”, që besohet se i referohen John Mayer, “RB” për Russell Brand dhe “OB”, që fansat e interpretuan si një referencë të qartë për Orlando Bloom.
Në performancë, Perry i injoroi të gjitha këto telefonata dhe vendosi t’i përgjigjej vetëm një telefonate nga “JPJT”, iniciale që sipas mediave i përkasin partnerit të saj aktual, Justin Pierre James Trudeau.
Durante “Never Really Over”, Katy Perry recebe ligação de todos seus ex companheiros e no final acaba atendendo apenas a ligação de Justin Trudeau ? pic.twitter.com/lajguKx0Ja
— Katy Perry Daily Brasil (@katydailybrasil) June 19, 2026
Perry dhe Bloom nisën lidhjen e tyre në vitin 2016, ndërsa u fejuan në vitin 2019. Çifti kanë një vajzë, Daisy Dove, e lindur në vitin 2020.
Megjithatë, në vitin 2025 u raportua se ata i dhanë fund marrëdhënies pas gati një dekade së bashku, duke vazhduar të bashkëprindërojnë vajzën e tyre.
Pas ndarjes nga Bloom, Perry është përfolur për një romancë me ish-kryeministrin kanadez Justin Trudeau. Dyshja ndezën thashethemet për lidhje në vitin 2025 dhe së fundmi bënë paraqitjen e tyre të parë zyrtare si çift në tapetin e kuq të Festivalit Tribeca.
