Flash

Shakira në një romancë dashurie me Manuel Garcia-Rulfo?

Lapsi.al 18 June 2026

Shakira është rikthyer në qendër të vëmendjes, këtë herë jo për muzikën, por për jetën e saj private.

Këngëtarja kolumbiane ka nxitur spekulime për një lidhje të re romantike pasi u pa në shoqërinë e aktorit meksikan Manuel Garcia-Rulfo në Los Angeles.

Sipas fotografive të publikuara nga Page Six, artistja e hitit “Whenever, Wherever” dhe aktori i serialit “The Lincoln Lawyer” u panë duke dalë së bashku nga hoteli Sunset Tower në West Hollywood. Të dy prisnin makinën e tyre, ndërsa dukeshin të relaksuar, duke buzëqeshur dhe biseduar me njëri-tjetrin.

Kur automjeti mbërriti, Garcia-Rulfo u tregua i kujdesshëm duke i hapur derën Shakirës, e cila u ul në sediljen e pasagjerit, ndërsa aktori mori vendin e shoferit dhe u larguan së bashku.

Fotografitë nuk vonuan të shkaktonin reagime në rrjetet sociale, ku shumë fansa shprehën entuziazmin për mundësinë e një romance mes tyre.

“Shakira meriton më të mirën”, shkroi një komentues, ndërsa të tjerë vlerësuan se dyshja “duken shumë mirë bashkë”.

As Shakira dhe as Manuel Garcia-Rulfo nuk kanë komentuar deri më tani mbi raportimet për një lidhje të mundshme.

Kujtojmë se Shakira u nda nga ish-partneri i saj, futbollisti Gerard Piqué, në vitin 2022 pas më shumë se një dekade së bashku. Që nga ajo kohë, emri i saj është lidhur me disa figura të njohura, përfshirë basketbollistin Jimmy Butler, pilotin e Formula 1 Lewis Hamilton dhe aktorin Lucien Laviscount.

Ndërkohë, Garcia-Rulfo raportohet se i dha fund lidhjes së tij me Audrey McGraw, vajzën e këngëtarëve të njohur Tim McGraw dhe Faith Hill, në fillim të vitit 2026.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

19°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI