Disa banorë të Bubqit i shfaqën shqetësimin për gjendjen e tyre pas tërmetit shkatërrimtar ish-deputetes së PD-së Orjola Pampurit.
Martin Jaku, kryefamiljar, ka qysh prej tërmetit të parë në 21 shtator, së bashku me familjen e tij prej 7 pjesëtarësh që jetojnë në çadra. Përpos mungesës së ndihmës nga shteti, ai thotë se institucionet shtetërore kanë qenë pengesë për ndërtimin e shtëpisë së tij, që do t’ia bënin disa fondacione fetare, pasi tek bashkia i kanë kërkuar 5 mijë euro për lejen e ndërtimit.
Martin Jaku: Jam Martin Jaku, banues i fshtait Mallkuç, lagjja Tarin. Në muajin shtator ra tërmeti dhe më shkatërroi shtëpinë, edhe më erdh komuna. Do të marrësh inxhinierin. I shkrujta inxhinierit, inxhinieri nuk më erdhi. Ditën e fundit vjen inxhinieri te një shtëpi këtu me një fjalë, se ka shtëpiat në Mazhe ai, ka 3 shtëpia, i ka bërë vetë, dhe më tha mua nuk marr urdhër nga ty, marr nga kryetari i komunës. Ore kam shkrujt emrin. Ore nuk vij, tha. Tani mu më tahnë ca të fesë, me një fjalë, që mund të më ndihmojnë për shtëpinë, e kështu, se shkoi vonë. Edhe shko, duam leje ndërtimi tha. Duam një leje ndërtimi tha, se inxhinierët dhe ustallarët i biem nga jashtë shtetit. Edhe unë atë ditë çova gruan me vajzën, se isha i angazhuar me punë. Shko atje në bashki e tha ne nuk na e kanë pru zyrtare. Leja e ndërtimit bënë 5 mijë euro. Edhe unë fola me këta. Unë tha të jap paret ty o Martin, të bëj shtëpinë ty, e nuk mund t’i jap 5 mijë euro shtetit!
Orjola Pampuri: Domethënë kushtet janë këto që janë, këto që shohim ne?!
Martin Jaku: Këto që janë…
Orjola Pampuri: Këtu ti jeton me fëmijët, me bashkëshorten, tani vjen dimri…
Martin Jaku: Jam vetë i 7-ti. Unë vetë i 5-ti, 2 motrat 7. Jemi katandisur kështu dhe nuk kemi asnjë shpresë, e themë publikisht këtu. Të më kishte dhënë paret, e kisha bërë shtëpinë unë, edhe më fundërrina në fshat e kishte bërë shtëpinë!
Edhe amilja e Indrit Prenit tregoi për situatën. Ata jetojnë në kontenier që prej 26 nëntorit të vitit të shkuar kur tërmeti u dëmtoi rëndë banesën. Gruaja e tij thotë se deri më tani nuk ka shkuar asnjë për t’u thënë se çfarë do të bëhet më shtëpinë e tyre. Por megjithë hallin e shtëpisë, ajo thotë se hapësira që ka kontenieri është shumë e vogël për 5 anëtarë të familjes, për të bërë kujdes edhe nga pandemia.
Indrit Preni: Jam Indrit Preni. Siç e shihni vetë, mbrapa tërmetit ç’kanë ardhë në fillim të tërmetit, kanë 9 muaj gati 1 vit, s’është t’u pa kush më as nga Bashkia as nga Komuna. Bashkia ma ka nxjerrë DS4.
Orjola Pampuri: Po ndërkohë kërkohen të merren masa për higjienën, ndërkohë në atë vend ku ju jetoni ishte aq i vogël sa vetëm masa higjiene…
Desilda Preni: Me atë po përpiqemi t’i mbajmë sa më pastër.
Orjola Pampuri: Po ndërkohë që 5 veta në një çadër është e vështirë…
Desilda Preni: E vështirë është po ça të bëjmë..
