Një aksident me pasojë vdekjen e një personi ka ndodhur në orët e para të mëngjesit në aksin nacional Korçë – Kapshticë në fshatin Neviçisht.
H.R. ka dalë me një karrocë me kalë nga rruga dytësore e fshatit në drejtim të aksit nacional.
Në momentin që ka dalë në mes të rruges kafsha është trembur dhe është kthyer pas duke i dalë para një automjeti të drejtuar nga E.G., që po kalonte aty ndërsa si pasojë e përplasjes drejtuesi i karrocës ka gjetur vdekjen e menjëhershme bashkë me kalin e tij.
Ende nuk dihet identiteti i viktimës teksa momentalisht aksi nacional Kapshticë-Korçë është i bllokuar.
