Ceremonitë për 100-vjetor e “Luftës së Vlorës” mblodhën në këtë qytet autoritetet më të larta ta vendit mbrëmjen e së mërkurës. Presidenti Meta, Kryeministri Rama dhe kryeparlamentari Ruçi u bënë bashkë në Sheshin e Flamurit. Por duke pasur parasysh marrëdhëniet gjithmonë të tensionuara mes dy të parëve ishin interesante sjellja e Ramës dhe Metës në publik.
Siç shihet më poshtë nga video e siguruar edhe nga lapsi.al shihet se si Rama i printe turmës së personaliteteve për në vendin ku po mbahej ceremonia. Pas tij vinin Presidenti i vendit dhe kreu i parlamentit që po shkëmbenin biseda.
Nuk është normale që në të tilla ceremoni të dalë dikush tjetër para kreut të shtetit ose në rastin më të mirë të gjithë ecin në krah të njëri – tjetrit. Por në një moment Rama ka ndaluar dhe ka lejuar Metën që të dalë në krye. Ata kanë qëndruar gjatë ceremonisë krah për krah dhe në fund i kanë dhënë dorën njëri - tjetrit. ©LAPSI.al
