Më shumë se 9 orë zgjatën negociatat për Reformën Zgjedhore dje mes palëve politike në Shqipëri, në rezidencën e ambasadores amerikane Yuri Kim, nga ku duket të ketë pasur më shumë dakordësi, por jo zgjidhje përfundimtare.
Dita e sotme pritet të jetë ajo vendimtarja për një marrëveshje. Mbledhja e Këshillit Politik do të nisë rreth orës 11:00.
Një ditë më parë bashkë me ambasadoren Yuri Kim, ishin edhe ambasadorët e Bashkimit Europian, Luigi Soreca, Britanisë së Madhe, Duncan Norman dhe përfaqësuesit të OSBE-së. Ambasadorët nuk kërkojnë asgjë më shumë nga palët se sa respektimin e rekomandimeve të OSBE/ODIHR-it.
Ngërçi kryesor ku palët ende nuk kanë gjetur dakorëdësi është administrata zgjedhore.
“Maxhoranca është për depolitizim të plotë të komisioneve zgjedhore, kurse PD kërkon më shumë garanci. Nëse aplikohet 100% identifikimi biometrik në komisone është dakord të jenë të depolitzuara por kërkon vëzhgues, nga ana tjetër PD kërkon që nëse ka identifikim biometrik të pjesshëm, KZ-të të jenë me përfaqësi politike”,- sqaroi bw.
Nuk dihet ende nëse do të arrijnë palët në një marrëveshje. Ajo që dihet është fakti se një ditë më parë të tre diplomatët evunë theksin të ndikimi që marrëveshja për reformën zgjedhore pritet të ketë për procesin e integrimit europian të vendit dhe vendimet që Brukseli do të marrë së afërmi.
