Viktima e aksidentit automobilistik të ndodhur këtë të shtunë në aksin Thumanë-Fushë Krujë është 65-vjeçari Paulin Filopati, i cili ishte një emër i njohur i folklorit mirditor.
Filopati ishte pjesë e grupit të burrave të Ansamblit Mirdita, ku mbante titullin “Mjeshtër i Madh” dhe kishte kontribuar ndër vite në ruajtjen e promovimin e muzikës tradicionale të zonës. Ai ishte gjithashtu pjesë e grupit Kthella dhe njëri prej tre vëllezërve Filopati, të njohur për kontributin e tyre në traditën muzikore të Mirditës.
Lajmi për vdekjen e tij ka sjellë reagime të shumta në komunitetin artistik dhe në Mirditë. Ceremonia mortore do të zhvillohet në Katedralen e Rrëshenit, ndërsa varrimi është parashikuar për të hënën, më 16 nëntor.
