Zyrtari i lartë i Unionit kristian-demokrat (CDU), Johann Wadephul, ka zhvilluar pasditën e sotme një takim me kryeministrin Edi Rama, të shoqëruar në punimet e Samitit të Berlinit nga ministrja për Marrëdhëniet me Parlamentin, Elisa Spiropali dhe ministri në detyrë për Punët e Jashtme dhe Evropën, Gent Cakaj.
Pas takimit, Wadephul ka komentuar përmbledhtazi temat e diskutimit përmes një postimi në rrjetet e tij sociale, ku shkruan se pavarësisht progresit të arrirë nga Shqipëria deri më tani, mbetet ende shumë punë për t’u bërë për hapjen e bisedimeve të anëtarësimit të vendit në Bashkimin Europian.
Reagimi i plotë i Wadephul-it:
Sot kam biseduar me Kryeministrin e #Albania, @ediramaal. E vlerësova përparimin që është bërë deri më tani, por gjithashtu theksova se ende ka shumë punë për t’u bërë përpara se bisedimet e pranimit të fillojnë.
