Ndërsa PD dhe LSI po bëhen gati për protestën e radhës kundër taksës në Rrugën e Kombit, që pritet të zhvillohet pas Pashkëve ortodokse, siç ka deklaruar kryeopozitari Basha, sot proteston Shoqëria Civile.
Aktivistë dhe qytetarë pritet të protestojnë sot (e shtunë, 7 Prill) përpara Kryeministrisë. Protesta ka të njëjtin motiv si ajo e opozitës: Kundër taksës së Rrugës së Kombit dhe koncensioneve.
Nisma Thurje sapo ka publikuar një video që tregon momentet e grumbullimit të protestuesve, tek Monumenti i Pavarësisë, Parku Rinia!
Ata mbajnë në duar, pankarta me shprehjen “Më arrestoni edhe mua” dhe banderola ku shkruhet: “Boll me arrogancë, dhunë dhe koncensione”.
Për protestën e sotme përfaqësuesit e Shoqërisë Civile kanë marrë edhe lejen e policisë. E gjithë protesta pritet të zgjasë tre orë.
