Shumë nga ata që e panë live shpalljen e vendimit për të lënë në burg 11 protestues kuksianë (dy të tjerë në arrest shtëpie), u habitën nga fakti i qëndrimit të gjyqtares Alma Ahmeti. Ajo qëndronte gjithë kohën e kërrusur, me kokën ulur, aq sa dukej sikur kishte frikë sikur publiku mos i shikonte fytyrën.
Me sa duket kurioziteti se pse qëndronte me kokën ulur e ka një shpjegim.
Së pari se atë e sollën derr në thes nga gjykata e Kukësit në këtë të Tiranës, për ta kryer këtu seancën gjyqësore.
E dyta se ajo nuk guxoi t'i luanate as presjen asaj që i kishte kërkuar prokuroria duke lënë në burg po aq njerëz sa i kishte kërkuar organi i akuzës dhe duke flakur tej çdo pavarësi të gjyqsorit.
E treta dhe më e rënda, se sikurse tregoi ish ministri i drejtësisë, Ylli Manjani, se ajo është në konfikt të pastër interesi. Bashkëshorti i saj, Erion Ahmeti është shefi i policisë rrugore Tiranë, pra i merr urdhërat nga të njëjtit eprorë që bënë ato arrestime aq në kundërshtim me ligjet e vendit.
Për këto arsye, kjo gjyqtare e Kukësit, që duhej të jepte dorëheqjen nga ky proces preferoi ta mbyllë atë me kokën ulur.
©Lapsi.al
