Ish-ministri i Drejtësisë, Ylli Manjani, thotë se gjykatësja Alma Ahmeti që dha sot vendimin për kuksianët e arrestuar gjatë pas protestës në Rrugën e Kombit, është në konflikt interesi dhe se ajo duhet të dorëhiqej. Sipas Manjanit, kjo gjyqtare është bashkëshortja e Erion Ahmetit, një prej drejtuesve në Policinë e Shtetit.
"Lexojeni vetë pikën ë të paragrafit 1. Është neni 17 i Kodit të Procedurës Penale. Gjykatësja e Kukësit, përveçse gjykon në Tiranë, nuk e dimë se në bazë të cilit ligj, nuk bind në PAANSHMËRINË e saj. Bashkëshorti i saj është drejtues në Policinë e Shtetit! Këto arrestime që ajo gjykon nuk janë bërë nga gjykata por nga Policia. Në këto raste Policia i përdor bashkshortët për të justifikuar veten... Do kishte qenë në nderin e saj, përveç se në respekt të ligjit, që të dorëhiqej nga kjo çështje! Cilido qoftë vendimi i saj, do jetë i paragjykuar! E përsëris: që prej orës 10:00 sot ata janë ligjërisht të lirë...”, shkruan Manjani në Facebook teksa bën publike nenin 17 të Kodit të Procedurës Penale.
