Protestues nga shoqëria civile janë mbledhur mbrëmjen e sotme para Policisë së Tiranës për të protestuar kundër Edi Ramës dhe kundër arrestimeve në Kukës.
Qytetarë shqiptarë dhe anëtarë të shoqërisë civile kanë kërkuar lirimin e të arrestuarve dhe kanë hedhur akuza ndaj Edi Ramës. Por në momentin që në Drejtorinë e Policisë kanë mbërritur deputetët e PD, nuk i kanë kursyer akuzat as për ta.
"Edhe këto deputetët e PD-së që vijnë këtu janë plehra që presin të riciklohen dhe të vijnë në pushtet" tha një prej protestuesve që fliste me megafon, duke kujtuar edhe miratimin që i bënë kontratës konçensionare për taksën në rrugën e kombit ministrat e LSI.
‘Ajo që ndodhi dje ishte pasoja, pasi shkaku është Edi Rama që i ofendon, i shan shqiptarët’, tha një tjetër.
Qytetarët e shumtë të mbledhur përpara Policisë së Tiranës, kanë hedhur akuza ndaj Ramës për taksat që po vendos në kurriz të shqiptarëve.
Ata kanë kërkuar lirimin e kuksianeve e hasjanëve të arrestuar gjatë natës nga policë të maskuar.
