Pas largimit ditën e djeshme të katër këshilltarëve të Lëvizjes Socialiste për Integrim në Bashkinë e Shkodrës, pas largimeve të Vlorës, Belshit, Fierit dhe Kurbinit edhe sot dy
këshilltarë të tjerë në Bashkinë Pukë kanë deklaruar se janë larguar nga LSI. Më anë të një deklaratë për mediat, e cila është botuar në faqen zyrtare të Bashkisë Pukë në Facebook, bëhet me dije se
dy këshilltarët që përfaqësonin LSI-në, tashmë do të bashkohen me PS-në. Bashkia e Pukës njofton se janë dy këshilltarë të LSI që i bashkohen PS, Ndue Lala dhe Artan Lazri.
Ata e lidhën largimin e tyre me bashkëpunimin që LSI po bën me PD dhe si gjithë të larguarit e tjerë e quajtën të padurueshëm faktin se "LSI u ngrit si një forcë që në themel kishte integrimin e Shqipërisë në BE, realizimin e reformave transformuese për vendin, dhe jo një Rusi që shtrinë influenca dashakeqe dhe që kërkojnë ta kthejnë vendin në
një teatër përplasjesh dhe destabiliteti" thuhet në deklaratën e të larguarve Ndue Lala dhe Artan Lazri.
©Lapsi.al
Grabitja e LSI-së, nuk është punë Rusie, por rrëmbim tepsie
