Gazetari Basir Çollaku e konsideron si shou aksionin e Ministrisë së Brendshme të koduar "Forca e Ligjit", duke theksuar se 80% e të arrestuarve janë liruar nga gjykata.
"80% e të arrestuarve nga Forcat e Ligjit i ka liruar edhe Gjykata e Shkallës së Parë edhe Gjykata e Shkallës së Dytë. Kemi pasur një shou shumë të madh. Grupet dhe bandat mafioze janë të gjithë me emra të njohur.
Nuk besoj që Forcat e Ligjit të shkojë tek këta tregtar heroine, kokaine. Ata janë qetësisht duke bërë punën e tyre, duke shitur heroinë, kokainë. Një grup kriminal që vepron prej 25 vitesh nuk është krejt anonim. Nëse vullneti i bie unazës dhe t'i lërë jashtë këta, ky nuk është vullnet", - u shpreh Çollaku në emisionin "360 gradë".
