Pjesën e "tepsisë" që i takon administratës së burgjeve, Edi Rama ia la LSI-së në mandatin e parë të qeverisjes. Tani që pushtetin e ka të gjithin për vete, aty pritet të nisë një spastrim i militantëve të Ilir Metës, që do të zëvëndësohen me ato të Rilindjes.
Këtë proces zëvëndësimi të militantëve, të cilin e premtuan në fushatën e 25 qershorit, ministrat e pS, tani e quajnë "veting". Me një postim në Facebook, Ministrja e Drejtësisë, Etilda Gjonaj shkruan se ky është hapi i parë që është marrë për pastrimin e plotë të radhëve të punonjësve të burgjeve nga elementë të inkriminuar. Gjonaj dha edhe një shifër, sipas të cilës 130 punonjës të administratës janë me rekorde penale dhe do të largohen.
