Për ish Ministrin e Drejtësisë, Ylli Manjani arrestimi i zyrtarëve të bashkisë në Lezhë doli një farsë e cila u shfry brenda 48 orëve. Ndryshimi i masës së sigurisë nga "arrest me burg" në "Arrest shtëpie", ishte dështim i operacionit sipas Manjanit.
Postimi i plotë në Facebook i Ylli Manjanit:
“Ja dhe pasoja e farsës së arrestimeve për show dhe terror politik! Nga izolimi në polici, përfundojnë në shtëpi! Kështu ndodh gjithmonë kur drejtësinë e ka në dorë policia dhe pushteti! Kështu ndodh kur Policia të telendis në publik dhe bën edhe punën e Prokurorit! Se si mund të hetojë policia Shpërdorimin e Detyrës, një dreq e di!
Por, unë dua të di:
-Ku është Prokuroria e Republikës?
– Kush po heton?
– A ka akuzë të ngritur me prova apo thjesht dyshime?
-Pse ky dështim spektakolar, në vetëm 48 orë?!
-Pse nuk ndiqen penalisht ata zyrtarë që paskan hequr lirinë qoftë dhe për 48 orë?
– Përse nuk sekuestrohet toka objekt hetimi?
– Përse nuk sekuestrohen dokumentet zyrtarë?
Boll me shoë policësh!
Kushtetuta ngarkon me përgjegjësi PROKURORINË!”
