Pas ekstradimit të dyshimtë të Nazer Seitajt në Itali, opozita ka sjellë dy shembuj të tjerë kur ndodh e kundërta. Bëhet fjalë për Agron Xhafajn, vëllain e Ministrit të Brendshëm dhe Durim Keçin, tutori i prostitutave dhe trafikanti i drogës që bënte fushatë për PS në Durrës.
Megjithëse ligji e kishte ndaluar ekstradimin e “financierit” të Habilajve, sërish Prokuroria e Përgjithshme dhe Ministria e Drejtësisë e bënë fakt të kryer dërgimin e tij në Itali, ndërkohë që për të dënuarit e tjerë ekstradimi është i pamundur.
“Kriminelët e vetë me të cilët ka ardhur në pushtet dhe mban pushtetin, si Durim Keçi dhe Agron Xhafaj, të dënuar në Itali për trafik ndërkombëtar droge, Rama nuk i ekstradon. Përkundrazi u siguron lirinë dhe paprekshmërinë. Ndersa Nezar Seitin, llogaritarin e Habiljave, deshmitarin kyç te milionave te droges qe ka marre Saimir Tahiri, shkeli ligjin dhe e ekstradoi vetem per te sabotuar hetimin e Sajmir Tahirit” tha deputeti i Partisë Demokratike Oerd Bylykbashi në një prononcim për mediat.
Sipas opozitës, ekstradimi i Nazer Seitajt është bëhet për të mbrojtur Tahirin, me të cilin ky person ka ndarë paratë e drogës.
