Kubanët përgatiten për një koncert të rrallë homazh në ndër të “The Beatles”-ave, i cili do të mbahet ne sheshin “John Lennon” të kryeqytetit Havana, ku u kremtua 50-vjetori i albumit “Sgt. Pepper’s Lonely Hearts Club Band”, por edhe vetë leja për të dëgjuar në ishull muzikën dikur e ndaluar e grupit legjendar britanik.
Mes personave të mbledhur për eventin që përfshinte shtatë grupe muzikore kombëtare, ishte dhe Aleyda Rodriguez. Ajo ka një detyrë të veçantë: të kujdeset për syzet e statujës tejet popullore të John Lenonit. Rodriguez është shumë krenare për punën e saj, të cilës i përkushtohet 11 deri ne 12 orë në ditë. Gjatë natës, syzet i merr me vete.
“Ma ngarkuan mua këtë detyre si person në moshë dhe më i përgjegjshëm, në mënyrë që askush të mos i marrë syzet. Kujdesem shumë për to, dhe në fund të ditës i çoj në shtëpi”, shprehet Aleyda Rodriguez.
Pas revolucionit te 1959-s që solli në pushtet Fidel Castro-n, Kuba e ndaloi në radio dhe televizion muzikën e artistëve të tillë si “Rolling Stones”, “Beatles” dhe Elvis Presley. Castro megjithatë e tërhoqi më vonë një censurë të tillë dhe mori pjesë edhe vetë në momentin e vendosjes së statujës së Lenonit në kryeqytet 8 dhjetorin e vitit 2000, datë kjo që përkonte me 20-vjetorin e vdekjes së këngëtarit të madh.
