Një pjesë e atyre që e kanë ndjekur pasditen e së Dielës, emisionin e Tv Klan me Ardit Gjebrean, dhe që i duan kafshët, me siguri janë prekur kur bashkëprezantuesja braziljane e këtij programi, Andresa, ka treguar me lot në sy se si i kishte humbur zogu.
Bëhet fjalë për një papagall që Andresa Suares e mbante si kafshë (në këtë rast shpend) shtepiak dhe që të premten i kishte fluturuar nga shpatulla, vend ku ajo e mbante gjatë gjithë kohës.
Ajo e deklaroi zogun të humbur gjatë transmetimit të emisionit "E diela Shqiptare", ku vuri në dispozicion numrin e saj të telefonit dhe gjithashtu një shpërblim për atë që do t'i sillte papagallin në shtëpi.
Ndërkohë sipas asaj që shkruan paraditen e sotme revista Anabel në facebook, Andresës i është kthyer papagalli dhe po ashtu buzeqeshja. Një djalë, i cili e kishte kapur zogun e saj, madje i kishte blerë edhe kafaz, mesa duket është prekur nga humbja e Andresës, i ka telefonuar dhe më pas ia ka kthyer papagallin me emrin Mero.
