Çdo nuancë e të kuqes pa përjashtim ishte e pranishme mes mijëra kuqalashësh në Ditën Ndërkombëtare të Kuqëve. Njerëz me flokë të kuqe nga e gjithë bota u mblodhën në qytetin Breda, 'Roodharigendag' – dita kur çdo vit festohet për çdo gjë të bukur që kanë flokët e kuq.
Ka muzikë, piknik, parade mode dhe ekspozita arti, pa asnjë shenjë bionde, apo brune në të. Festohet çdo vit në javën e parë të shtatorit, duke tërhequr njerëz nga shumë vende të botës, përfshirë Britani, SHBA, Australi dhe Gjermani.
Festivali nisi në vitin 2005 kur një piktor hollandez Bart Rouëenhorst vendosi se donte të pikturonte 15 kuqalashë. Reklamoi kërkesën e tij për modelë dhe mori 150 përgjigje. Gradualisht gjatë viteve, festivali është rritur në popullaritet me rreth 5000 vetë që marrin pjesë në të çdo vit. Tani që u njoftuan nga Lapsi.al nuk ka pse në këtë festë të mos marrin pjesë edhe deputeti i PD Genc Pollo, sulmuesi që shënoi ndaj Portugalisë Bekim Balaj e plot shqiptarë të tjerë.
