Flash

VIDEO/ Shikoni si shitej drogë në gjimnazet e Tiranës

Lapsi.al 27 September 2026

Pamjet e filmuara me dron nga Policia e Tiranës tregojnë deri ku kishte depërtuar shpërndarja e drogës pranë shkollave të kryeqytetit; persona të survejuar afrohet deri te hekurat rrethues të shkollës për të kryejnë shkëmbimin me nxënësit.

Në pamjet e siguruara gjatë hetimit, shpërndarësi shihet teksa qëndron jashtë territorit të shkollës, ndërsa nxënësi afrohet nga ana tjetër e rrethimit. Mes tyre kryhet shkëmbimi përmes hekurave, pa qenë nevoja që shitësi të hyjë në ambientet e shkollës.

Pamjet janë pjesë e hetimit katërmujor të Policisë dhe Prokurorisë së Tiranës, që përfundoi me operacionin e koduar “Shkolla të Pastra”, nëpërmjet të cilit u goditën disa grupe që, sipas policisë, shisnin lëndë narkotike pranë shkollave 9-vjeçare dhe të mesme, por edhe në zona të tjera të kryeqytetit.

Hetimi identifikoi 52 persona të dyshuar si të përfshirë në këtë aktivitet. Për 31 prej tyre u ekzekutua masa e sigurisë “Arrest në burg”, 14 të tjerë janë shpallur në kërkim, ndërsa 7 persona ishin arrestuar gjatë katër muajve të hetimit.

Në disa raste droga transportohej me monopatina, taksi apo nëpërmjet shërbimeve delivery.

Gjatë hetimit dhe ekzekutimit të masave të sigurisë u sekuestruan 1 kilogram e 75 gramë heroinë, 1 kilogram e 265 gramë kokainë dhe 685 gramë kanabis. Policia sekuestroi gjithashtu një pistoletë, 90 fishekë, dy peshore elektronike, 12 automjete dhe 35 telefona celularë.

Operacioni “Shkolla të Pastra” vijon me kërkimin e 14 personave të tjerë të identifikuar gjatë hetimeve, emrat e të cilëve nuk janë bërë publikë për shkak të vazhdimit të hetimit.

Të këshilluara

WSJ: Si e ndihmoi ambasadorja amerikane kompaninë greke të siguronte marrëveshjen 6 miliardë $ në Shqipëri

Një investigim i Wall Street Journal hedh dritë mbi rolin e ambasadores amerikane Kimberly Guilfoyle në promovimin e kompanisë greke "Aktor". Në mars, ajo takoi Kryeministrin Rama në Tiranë, e shoqëruar nga drejtori i kompanisë dhe lobisti i saj. Një muaj më vonë, u kthye për nënshkrimin e marrëveshjes 6 miliardë dollarëshe për furnizimin e Shqipërisë me gaz amerikan.

12:38

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

20°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI