Stefon Diggs, ka deklaruar se ai dhe Cardi B janë “shumë mirë”, pavarësisht debatit të tyre në një kafene në maj, por la të kuptohet se aktualisht nuk janë bashkë.
“Është nëna e fëmijës tim. E dua shumë”, tha 32-vjeçari për TMZ, kur u pyet për statusin e marrëdhënies së tyre.
Kur u pyet për debatin që u bë viral, Diggs e minimizoi situatën.
“Çfarë debati? Madje nuk mendoj se ishte debat”, u shpreh ai, duke shtuar se gjatë gjithë bisedës kishte qëndruar i qetë.
Pasi gazetarët i kujtuan se Cardi dukej mjaft e nervozuar në pamjet e publikuara, ai u përgjigj:
“Kjo është në rregull… gratë ndonjëherë bëhen kështu.”
Megjithatë, Diggs theksoi se marrëdhënia mes tyre është “shumë e mirë”.
Çifti, që u nda në shkurt, vetëm pak muaj pasi mirëpritën djalin e tyre, habiti fansat muajin e kaluar kur u ribashkua dhe shfaqi shumë afeksion publik gjatë aktivitetit të Ditës së Nënës të organizuar nga Diggs.
Por ribashkimi i tyre nuk zgjati shumë, pasi pak ditë më vonë u fotografuan duke debatuar jashtë një kafeneje dhe një palestre në Maryland.
Në atë kohë, Cardi B reagoi ndaj raportimeve për konfliktin e tyre me humor:
“Ndonjëherë harroj që jam personazh publik. Po ju, nuk e keni sharë kurrë babanë e fëmijës suaj kur jeni të uritur?”
Reperja dhe Diggs nisën lidhjen në vitin 2025 dhe e bënë zyrtare në Instagram në qershor të po atij viti.
