Joe Jonas ka folur hapur për marrëdhënien e tij të bashkëprindërimit me ish-bashkëshorten, aktoren Sophie Turner, duke e cilësuar atë si një mbështetje të rëndësishme në jetën e tij.
“Jam një baba beqar dhe bashkë-prindëroj me nënën e fëmijëve të mi,” u shpreh këngëtari në episodin e së martës të podcast-it të tij “Hey Jonas!”, ku ishte i ftuar së bashku me vëllezërit Nick dhe Kevin Jonas.
Ai shtoi se, ndonëse shumë njerëz ndodhen në situata të ngjashme, ndihet me fat për mënyrën si po e menaxhojnë këtë proces.
“Jam mirënjohës që kam një bashkëprind që më lejon të gjej balancë edhe në ditët e vështira,” tha Jonas.
Sophie dhe Joe, të cilët u martuan në vitin 2019 në Las Vegas, u ndanë pas katër vitesh martesë. Ish-ët u gjendën në një betejë të rrëmujshme për kujdestarinë ndërsa Sophie paditi anëtarin e Jonas Brothers për kthimin e vajzave të tyre në MB, duke pretenduar se ai nuk do t’i dorëzonte pasaportat e tyre dhe do të vazhdonte me planet e tyre për t’u transferuar në Angli.
Dyshja përfundimisht ishin në gjendje të arrinin një marrëveshje dhe aktorja më vonë hoqi dorë nga padia.
