Ariana Grande ka rikthyer vëmendjen e publikut pas publikimit të videoklipit të këngës së saj më të re, “Hate That I Made You Love Me”, duke nxitur reagime të shumta në rrjetet sociale për paraqitjen e saj fizike.
Shumë përdorues në platformën X komentuan pamjen e artistes, duke vënë në dukje trupin e saj shumë të hollë dhe dukshmërinë e kockave në pjesën e kraharorit dhe shpatullave. Reagimet ishin të ndryshme, ku disa fansa shprehën shqetësim për shëndetin e saj, ndërsa të tjerë e mbrojtën duke theksuar se nuk mund të gjykohet gjendja shëndetësore e dikujt vetëm nga pamja.
“Ne nuk mund ta dimë gjendjen shëndetësore të dikujt nga një fotografi e vetme,” shkroi një fans në rrjetet sociale.
Një tjetër theksoi se struktura e trupit ndryshon nga personi në person dhe se dukshmëria e kockave nuk është domosdoshmërisht tregues i një problemi shëndetësor.
Kjo nuk është hera e parë që Ariana Grande përballet me komente për pamjen e saj. Gjatë promovimit të filmit “Wicked”, ajo reagoi publikisht ndaj kritikave dhe kulturës së paragjykimit për trupin, duke deklaruar se komente të tilla mund të jenë të dëmshme.
Në atë kohë, artistja siguroi fansat se ndihej më e shëndetshme se kurrë dhe u bëri thirrje njerëzve të tregojnë më shumë kujdes kur flasin për pamjen fizike të të tjerëve.
