Në Liqenin e Ulzës vijojnë kërkimet për gjetjen e trupit të një 37-vjeçari, i cili dyshohet se u mbyt një ditë më parë. Sipas të dhënave paraprake, 37-vjeçari nga Laçi ishte duke lëvizur me një motor uji në liqen. Ai dyshohet se ra në ujë dhe humbi kontaktet.
Në operacionin e kërkimit janë angazhuar familjarët e tij, banorë të zonës, forcat e Policisë së Shtetit dhe polumbarët. Deri tani, trupi i të riut nuk është gjetur. Kërkimet pritet të vijojnë edhe gjatë orëve në vazhdim, ndërsa autoritetet po hetojnë për të zbardhur rrethanat e plota të ngjarjes.
