Ministria e jashtme zvicerane ka deklaruar se bisedimet e planifikuara midis Iranit dhe SHBA-së në vendpushimin malor Bürgenstock në Zvicër janë shtyrë. Përmes një deklarate ajo tha se Zvicra mbetet e gatshme të lehtësojë këto bisedime. CNN shkruan se ministria nuk dha asnjë detaj mbi datën e ardhshme të bisedimeve, por tha se puna përgatitore përkatëse në Bürgenstock po vazhdon.
Të enjten, Shtëpia e Bardhë tha se zëvendëspresidenti i SHBA-së JD Vance nuk do të udhëtojë për në Zvicër sipas planit, sepse planet për bisedimet nuk ishin finalizuar. Më herët, nënkryetari tha se kishte ndërmend të udhëtonte për në Zvicër, megjithëse pranoi se koha mbeti e pasigurt.
