Kreu i Partisë Mundësia Agron Shehaj dhe Kryeministri Edi Rama u përplasën ashpër në Kuvend.
Shehaj i shkoi Ramës në foltore dhe i tha se do të përfundojë në burg pasi ka vjedhur shqiptarët, popullin më të varfër në Europë.
Shehaj i kujtoi Ramës se shqiptarët janë ngritur kundër tij në protesta jo vetëm në Shqipëri, por në të gjitha vendet që jetojnë në botë.
Pamjet e sherrit i ka ndarë në Facebook Agron Shehaj.
Përplasja nisi pasi Edi Rama erdhi në Kuvend i detyruar për të bërë 84 votat që i duheshin PS-së që të miratonte amnistinë penale.
“Të doli boja keq! U pasurove në kurriz të qytetarëve! Vodhe popullin më të varfër në Europë! Je banal dhe qesharak!
Lëre Partinë Socialiste, fol për ça ke vjedhur! ! Pse s’del në zgjedhje? Në gjithë botën kërkojnë dorëheqjen tënde! I ke parë shqiptarët? Ore të duan në burg! E mendoje ndonjëherë që do të të nxirrnin para drejtësisë?
S’do vesh ti? Je i paprekshëm ti? Po për çfarë ke vjedhur. Pse Belinda i ka vjedhur ato para vetëm? Ti s’e dije? Dëgjo Dëgjo! Ti s’dije gjë për Belindën? Ti nuk dije gjë për Veliajn? Ti nuk dije gjë për Beqajn? Ti nuk di asgjë! Ti s’di asgjë! Ti je viktimë! U i shkreti ti. Po të paskemi rënë në qafë!
Do ikësh si çdo autokrat banal që ka parë ky vend! Do përfundosh në burg! Do ikësh edhe i urryer madje!" - i thotë Shehaj-Ramës.
