Flash

Mashtronin qytetarë të BE-së përmes platformave online, në pranga 4 persona në Tiranë

Lapsi.al 30 September 2026

Një tjetër skemë mashtrimi online është goditur në Tiranë. Katër persona janë arrestuar, një tjetër është shpallur në kërkim dhe një 23-vjeçare është proceduar në gjendje të lirë, pas një operacioni të zhvilluar në një ambient në rrugën e Kavajës. Sipas policisë, ambienti ishte përshtatur me poste pune dhe përdorej për të kontaktuar e mashtruar qytetarë nga vende të ndryshme të Bashkimit Europian përmes platformave online.

Në pranga ranë E. Xh., 40 vjeç, G. N., 42 vjeç, E. D., 32 vjeç dhe E. H., 31 vjeç. Ndërkohë, pronari i ambientit, T. B., 45 vjeç, është shpallur në kërkim, pasi dyshohet se e administronte aktivitetin së bashku me personat e tjerë.

Gjatë kontrollit, policia sekuestroi 13 njësi kompjuterike, 19 telefona celularë, 7 laptopë dhe materiale të tjera që dyshohet se lidhen me skemën. Operacioni, i koduar “INVESTING”, u zhvillua nga strukturat e krimit ekonomik, krimit kibernetik dhe forcat operacionale të Policisë së Tiranës, nën drejtimin e Prokurorisë. Hetimet vijojnë për të dokumentuar plotësisht veprimtarinë dhe për të përcaktuar përmasat e mashtrimit.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

19°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI