Flash

BE përgatit rregulla të reja për zgjerimin/ Shqipëria merr udhërrëfyesin e posaçëm për 2027

Lapsi.al 30 September 2026

Bashkimi Evropian po përgatitet të ndryshojë mënyrën se si do të funksionojë zgjerimi i ardhshëm, ndërsa Shqipëria pritet të jetë ndër vendet e para që do të marrë një udhërrëfyes konkret për përfundimin e negociatave të anëtarësimit. Komisioni Evropian po harton masa të reja sigurie për vendet që do t’i bashkohen Unionit në të ardhmen. Siç raporton Reuters, mes propozimeve është edhe mundësia që anëtarët e rinj të marrin përsipër, për një periudhë të kufizuar, të mos bllokojnë me veto vendime që kërkojnë konsensus. Dokumenti parashikon gjithashtu mekanizma për pezullimin e disa të drejtave në rast të kthimit pas në standardet demokratike. Në diskutim është edhe integrimi gradual i vendeve kandidate në fusha si energjia, mbrojtja dhe transporti, përpara anëtarësimit të plotë. 

Në këtë proces, Shqipëria pritet të ketë një udhërrëfyes të posaçëm. Komisioni Evropian po punon për të formalizuar objektivin që Tirana të mbyllë të gjithë kapitujt negociues deri në fund të vitit 2027. Dokumenti pritet të përcaktojë edhe reformat dhe rezultatet konkrete që duhet të përmbushen për të arritur këtë objektiv. Deri tani, Brukseli është treguar i kujdesshëm me vendosjen e datave fikse, pasi procesi i zgjerimit mbështetet te përmbushja e kritereve. Shqipëria ka hapur të 33 kapitujt negociues, ndërsa në korrik u mbyllën përkohësisht tre prej tyre: Shkenca dhe Kërkimi, Arsimi dhe Kultura, si dhe Marrëdhëniet me Jashtë. 

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

19°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI