Flash

Charli XCX flet hapur për shëndetin mendor: “Po kaloj periudhë të vështirë”

Lapsi.al 22 June 2026

Charli XCX ka zbuluar se po kalon një periudhë të vështirë me shëndetin mendor, duke thënë se ndodhet “në gjendjen më të keqe mendore të jetës së saj”, teksa përgatitet të publikojë albumin e ri.

Këngëtarja 33-vjeçare është në fazën e promovimit të albumit të saj të ardhshëm “Music, Fashion, Film”, i cili pritet të publikohet më 24 korrik.

Përveç muzikës së re, artistja po i afrohet edhe përvjetorit të parë të martesës me bashkëshortin e saj, George Daniel, anëtar i grupit The 1975.

Charli XCX ka treguar se periudha e fundit pas turneut të suksesshëm dhe projektit “Brat” ka qenë e lodhshme emocionalisht, duke e shtyrë të marrë masa për të mbrojtur shëndetin mendor.

Ajo ka reduktuar përdorimin e rrjeteve sociale dhe ka kufizuar intervistat me media, duke shpjeguar se ankthi i saj ka ndikuar edhe fizikisht.

“Thjesht po përpiqem të bëj atë që është më e mira për mua, sepse arriti një pikë ku ankthi po më ndikonte fizikisht dhe nuk mund të vazhdoja kështu,” ka thënë ajo në një intervistë për Rolling Stone.

Këngëtarja shtoi se presioni i madh dhe komentet në internet shpesh bëhen të vështira për t’u përballuar, duke pranuar se ndjenjat e saj janë “shumë të paqëndrueshme” kohët e fundit.

Ajo ka treguar gjithashtu se terapia dhe koha me bashkëshortin dhe miqtë e ndihmojnë të ndihet më e stabilizuar.

Pavarësisht vështirësive, Charli XCX po vazhdon punën në muzikë dhe projektet artistike, përfshirë edhe kalimin drejt aktrimit në disa filma të rinj.

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

19°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI