Me episodin e fundit të “Open Var” është mbyllur zyrtarisht sezoni i analizave mbi gabimet arbitrale të pranuara nga CAN, një sezon aspak i lehtë për arbitrat italianë, të përfshirë nga skandalet jashtë fushës dhe gjithmonë në qendër të kritikave për vendimet e marra në fushën e lojës. Duke mbërritur në fund të kampionatit me “gabimin e trefishtë” në Cremonese-Como, që ishte gabimi i 31-të i pranuar publikisht në sezonin 2025/26, tani është e mundur të bëhet një bilanc i gjithë vitit dhe të hartohen renditjet përfundimtare të gabimeve në favor dhe kundër.
EPISODET MË TË BUJSHME
*Penalltia që nuk iu dha Milanit për ndërhyrjen e Lucumì ndaj Nkunku në Milan-Bologna;
*Penalltia që iu dha Milanit për prekjen e lehtë të Parisi ndaj Gimenez në Milan-Fiorentina;
*Penalltia që iu dha Napolit për kontaktin mes Mkhitaryan dhe Di Lorenzo në Napoli-Inter;
*Penalltia që iu dha Fiorentinës për kontaktin mes Gila dhe Gudmundsson në Lazio-Fiorentina;
*Penalltia që nuk iu dha Lazios për mbajtjen e Pongracic ndaj Gila në Lazio-Fiorentina;
*Penalltia që nuk iu dha Interit për mbajtjen e Comuzzo ndaj Esposito në Inter-Fiorentina;
*Penalltia që nuk iu dha Juventusit për kontaktin mes Gila dhe Conceiçao në Lazio-Juventus;
*Goli i anuluar i Milanit për kontaktin mes Loftus-Cheek dhe Candè në Milan-Sassuolo;
*Goli i anuluar i Napolit për kontaktin mes Hojlund dhe Hien në Atalanta-Napoli;
*Penalltia që nuk iu dha Napolit për kontaktin mes Bremer dhe Hojlund në Juventus-Napoli;
*Kartoni i kuq për Kalulu pas kartonit të dytë të verdhë në episodin me Bastoni në Inter-Juventus;
*Penalltia që nuk iu dha Romës për prekjen me dorë të Malinovski në Genoa-Roma;
*Penalltia që nuk iu dha Interit për kontaktin Scalvini-Frattesi në Inter-Atalanta.
RENDITJA E GABIMEVE NË FAVOR
Katër gabime në favor për Lazio dhe Fiorentina që kryesojnë renditjen, tre gabime në favor për Napoli dhe Como, që ndajnë vendin e dytë. Dy gabime në favor për Milan, Juventus, Torino, Bologna, Verona, Genoa, Atalanta dhe Como. Vetëm një gabim në favor për Inter, Roma dhe Sassuolo.
RENDITJA E GABIMEVE KUNDËR
Në këtë renditje Juventus rezulton skuadra më e penalizuar e sezonit me pesë episode kundër, përpara Genoa dhe Inter me nga katër. Tre gabime kundër për Milan, Pisa, Bologna, Lazio dhe Napoli. Vetëm një gabim kundër për Parma, Lecce, Udinese, Cagliari, Fiorentina, Cremonese dhe Roma.
