Emily Blunt është vënë në qendër të kritikave në rrjetet sociale pasi u sugjeroi fansave të linin punën dhe të mos shqetësoheshin për të ardhurat, për sa kohë që bëjnë diçka që e duan.
Aktorja e The Devil Wears Prada 2 i bëri komentet gjatë një interviste në YouTube me Betches, kur u pyet nëse kishte ndonjë këshillë për gratë që nuk janë të lumtura me punën e tyre.
“Lëreni punën … jo,” tha ajo fillimisht me gjysmë zëri, përpara se të qeshte dhe të shtonte: “Thjesht gjeni diçka që e doni me të vërtetë.”
Blunt vazhdoi: “Edhe nëse nuk fitoni para, për sa kohë që e doni atë që bëni, do të jeni të lumtur.”
Deklaratat e saj u pritën me reagime të ashpra nga përdoruesit në rrjetet sociale, të cilët i cilësuan këshillat si të papërshtatshme dhe të shkëputura nga realiteti ekonomik i shumicës së njerëzve.
Shumë komentues theksuan se është e lehtë për një aktore me pasuri të konsiderueshme të japë këshilla të tilla.
Disa e quajtën deklaratën “të privilegjuar” dhe “të pandjeshme”, ndërsa të tjerë shtuan se në kushtet aktuale të tregut të punës, një këshillë e tillë është jorealiste.
Ndërkohë, Blunt po vazhdon turin promovues për filmin e ri, ku luan përkrah Meryl Streep, Anne Hathaway dhe Stanley Tucci.
Në një intervistë tjetër, aktorja u shpreh se e shijon shumë rikthimin në këtë rol, duke e përshkruar personazhin si “të çmendur, por shumë argëtues për t’u luajtur.”
