Flash

Ben Stiller del në mbrojtje të Bad Bunny pas thirrjeve për hetim

Lapsi.al 12 February 2026
Ben Stiller del në mbrojtje të Bad Bunny pas thirrjeve për hetim

Megjithëse performanca e Bad Bunny në “Super Bowl LX” ka shkaktuar polemika dhe reagime të forta, aktori dhe regjisori Ben Stiller ka dalë publikisht në mbështetje të tij.

Aktori i “Severance” reagoi në rrjetin X pasi përfaqësuesi republikan nga Florida, Randy Fine, bëri thirrje që Komisioni Federal i Komunikimeve (FCC) të hetojë atë që ai e quajti “ndyrësi të turpshme dhe pornografike” në shfaqjen e së dielës.

Stiller iu përgjigj me ironi Fine:

“Fokusi i hetimit: si arriti Bad Bunny të shkëlqejë në një nivel kaq të lartë dhe të ofrojë spektaklin më të ndjekur dhe më të prodhuar ndonjëherë për përfshirjen dhe dashurinë… Hetuesit planifikojnë të zbulojnë burimin e talentit të jashtëzakonshëm, karizmës dhe zemrës së tij të madhe.”

Nga ana tjetër, Fine deklaroi se po i dërgon një letër FCC-së për të kërkuar masa, duke pretenduar se artisti përdori fjalë të papërshtatshme në spanjisht gjatë transmetimit live.

“Nuk mund të thuash fjalën ‘f’ në transmetim të drejtpërdrejtë. Spektakli i Bad Bunny ishte i paligjshëm,” shkroi ai, duke shtuar se nëse tekstet do të ishin në anglisht, transmetimi do të ishte ndërprerë dhe gjobat do të ishin të mëdha.

Ai shtoi gjithashtu: “Portorikanët janë amerikanë dhe të gjithë jetojmë sipas të njëjtave rregulla,” duke kërkuar gjoba dhe rishikim të licencave të transmetimit për NFL-në, NBC-në dhe artistin.

Edhe ligjvënës të tjerë republikanë, përfshirë përfaqësues nga Tennessee dhe Missouri, kanë kërkuar hetim nga FCC. Në të njëjtën linjë kritikash, ish-presidenti Donald Trump e quajti shfaqjen “një shuplakë në fytyrë për vendin tonë”, pavarësisht faktit se Bad Bunny, i lindur në Porto Riko, është qytetar amerikan.

 

Të këshilluara

Ndahet nga jeta aktori i James Van Der Beek

Aktori James Van Der Beek, i njohur për publikun për rolin e tij në serialin ikonë “Dawson’s Creek”, ka ndërruar jetë në moshën 48-vjeçare pas një beteje me kan...

14:23

Britney Spears shet katalogun e saj muzikor

Britney Spears ka shitur të drejtat e katalogut të saj muzikor në një marrëveshje të madhe në industrinë e muzikës, raportojnë mediat amerikane. Fituesja e G...

14:15

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI