Flash

Zbulohet shkaku i vdekjes së Catherine O’Hara

Lapsi.al 10 February 2026
Zbulohet shkaku i vdekjes së Catherine O’Hara

Së fundmi është zbuluar shkaku i vdekjes së aktores së njohur, Catherine O’Hara. Sipas Departamentit të Shëndetit Publik të Qarkut të Los Angeles-it, shkaku i menjëhershëm i ndarjes së saj nga jeta ishte një emboli pulmonare (mpiksje gjaku në mushkëri), ndërsa kanceri rektal u identifikua si shkaku themelor, raporton TMZ.

Mediat amerikane bënë të ditur të hënën se O’Hara u krematua, sipas certifikatës së vdekjes, dhe eshtrat iu dorëzuan bashkëshortit të saj, Bo Welch.

Aktorja e famshme e serialit “Schitt’s Creek” ndërroi jetë më 30 janar. Lajmi u konfirmua nga agjencia Creative Artists Agency për Page Six. Ajo ishte 71 vjeç. Departamenti i Zjarrfikësve të Los Angeles-it deklaroi se kishte reaguar ndaj një thirrjeje emergjente në shtëpinë e saj në Los Angeles në orën 4:48 të mëngjesit, duke e transportuar më pas në spital në gjendje “serioze”.

Pas vdekjes së saj, një burim i tha Daily Mail se O’Hara mund të ketë qenë e vetëdijshme për gjendjen e saj, por shumë nga njerëzit më të afërt me të nuk ishin në dijeni të seriozitetit të sëmundjes gjatë ditëve të fundit të jetës së saj. Disa miq u shprehën se ishin në “shok të plotë” nga lajmi i ndarjes së saj nga jeta.

Catherine O’Hara kishte një karrierë të jashtëzakonshme, duke luajtur në filma ikonë si “Beetlejuice”, “Home Alone” dhe “Home Alone 2”, si dhe në serialin e suksesshëm “Schitt’s Creek”.

Së fundmi, ajo ishte pjesë e serialit “The Last of Us”, përkrah Pedro Pascal, dhe “The Studio”, ku luajti së bashku me Seth Rogen.

 

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI