Marc Anthony do të bëhet sërish baba. Këngëtari i njohur njoftoi të mërkurën se bashkëshortja e tij, Nadia Ferreira, është shtatzënë dhe çifti pret fëmijën e dytë së bashku, që do të jetë foshnja e tetë për artistin.
“Gëzuar përvjetorin e 3-të! Çfarë dhurate e mrekullueshme na jep jeta. Zoti është i madh”, shkruan Anthony, 57 vjeç, dhe Ferreira, 26, në një postim të përbashkët në Instagram.
Çifti shtoi gjithashtu:
“Marquito do të bëhet vëlla i madh”, duke iu referuar djalit të tyre 2-vjeçar, Marco.
[embed]https://www.instagram.com/p/DUDv4zCjhLt/[/embed]
Në fotot e publikuara, vogëlushi shihet teksa vendos dorën mbi barkun e rrumbullakosur të së ëmës, ndërsa modelja debuton publikisht shtatzëninë në ditën e përvjetorit të tretë të martesës së tyre.
Marco erdhi në jetë në qershor 2023, në Ditën e Baballarëve, vetëm pesë muaj pasi Marc Anthony dhe Nadia Ferreira u martuan në një ceremoni luksoze në Miami.
Fëmija i tyre i dytë do t’i bashkohet familjes së madhe të këngëtarit, i cili ka gjashtë fëmijë të tjerë nga marrëdhënie të mëparshme. Anthony është baba i Arianna-s dhe Chase-it me Debbie Rosado, Cristian-it dhe Ryan-it me Dayanara Torres, si dhe i binjakëve Emme dhe Maximilian, 17 vjeç, me ish-bashkëshorten Jennifer Lopez.
Marc Anthony dhe Nadia Ferreira nisën lidhjen e tyre në fillim të vitit 2022, e bënë publike në Instagram në mars të atij viti dhe u fejuan vetëm dy muaj më vonë.
