Taylor Swift ka bërë komente të rralla dhe të sinqerta për ndarjet e saj me ish-partnerin Joe Alwyn dhe romancën on-off me Matty Healy, në episodin e katërt të dokumentarit të saj në Disney+, “End of an Era.”
“Kalova dy ndarje në gjysmën e parë të këtij turneu dhe, sinqerisht, janë shumë ndarje,” thotë Swift, duke shtuar se turneu Eras Tour i dha “qëllim” dhe e ndihmoi të “ngrihej nga shtrati” mes vështirësive personale.
“Meshkujt mund të të zhgënjejnë. Eras Tour kurrë,” shprehet ajo.
Këngëtarja flet edhe për procesin e krijimit të albumit të saj të 11-të, “The Tortured Poets Department,” të cilin e përshkruan si përmbledhje të “gjithë ndjenjave të këqija” të dy viteve të fundit dhe një periudhë “të ashpër” të jetës së saj. Swift thekson se shpesh perceptohet si një “konglomerat” dhe jo si njeri, veçanërisht në marrëdhënie.
Në një episod tjetër, ajo falënderon ekipin dhe njerëzit e afërt që e kanë mbështetur gjatë kohëve të vështira: “Është e mrekullueshme të kesh një familje profesionale me vete, ndërsa kalon faza, ulje-ngritje dhe zemërthyerje.”
Swift dhe Joe Alwyn u ndanë në vitin 2023 pas gjashtë vitesh lidhje. Albumi “The Tortured Poets Department”përfshin disa këngë që i referohen kësaj marrëdhënieje. Ndërkohë, ajo dhe Matty Healy u rilidhën shkurt pas ndarjes nga Alwyn, përpara se të ndaheshin sërish në verën e vitit 2023; edhe kjo periudhë ka reflektime në disa këngë të albumit.
Sot, Swift është e fejuar me yllin e NFL-së, Travis Kelce, me të cilin nisi lidhjen në verën e vitit 2023. Dokumentari ofron gjithashtu momente nga romanca e tyre, përfshirë një telefonatë emocionale. Çifti njoftoi fejesën në gusht dhe planifikon martesën gjatë verës së ardhshme.
