Dy muaj më parë për banorët e rrethinave të Pogradecit ishte ditë feste. Pas thuajse 14 vitesh mori fund pritja për rrugën që i afron me Korçën. Në filmimet që shpërndau kryeminstria, duket që kryeministri Edi Rama dhe ministrja e infrastrukturës Belinda Balluku bëjnë një parakalim në këmbë të shoqëruar nga Niko Peleshi, deputet i Korçës dhe priten nga banorët e zonës.
Nga gëzimi, këta kishin përgatitur edhe një kulaç, që Rama dhe Balluku e shijuan në nisje të ceremonisë së inaugurimit. Video më poshtë:
https://youtu.be/wcEzQGikJlA?t=4
Nuk dihet nëse shembja e rrugës Qukës-Qafë Plloçë do të nxisë një hetim tjetër për korrupsionin në ministrinë e infrastrukturës, por rënia e masivit shkëmbor vetëm dy muaj pas inaugurimit është një nga provat më të spektakolare se punët në këtë dikaster janë bërë shkel e shko. Prandaj duket akoma më e çuditshme se pse Rama e konsideron të pazëndëvësueshme Belinda Ballukun në ministrinë e infrastrukturës.
