Kryeministri Edi Rama është rikthyer në seancën parlamentare këtë të mërkurë, pas disa muajsh shpërfillje për punimet në parlament. Bashkë me Ramën nuk ka munguar në seancë as Belinda Balluku, zv.kryeministrja e pandehur nga SPAK për shkelje të barazisë në tendera, në lidhje me tunelin e Llogarasë.
Të dy kanë qëndruar të heshtur përballë akuzave të opozitës, deputetët e së cilës cituan disa pjesë të dosjes së SPAK, e bazuar kryesisht në përgjimet mes Belinda Ballukut dhe ish-drejtorit të saj të burgosur, Ervis Berberi.
Balluku u mor e pandehur disa javë më parë, por që atëherë Rama ka refuzuar ta shkarkojë nga detyra duke mbajtur në qeveri një zv.kryeministre që shumë shpejt do t'i duhet të paraqitet në sallën e gjyqit.
Fotot më poshtë nga LSA:
