Aktori i “Friends”, Matthew Perry u shfaq në nderimin e “Oscars” të këtij viti për ata që kanë ndërruar jetë vitin e kaluar.
Aktori u gjet i vdekur në jakuzzi, në shtëpinë e tij në Los Anxhelos më 28 tetor. Autopsia më vonë konfirmoi se ai vdiq nga “efektet akute të ketaminës” dhe mbytja.
Gjatë segmenti, Andrea Bocelli dhe djali i tij Matteo u ngjitën në skenë për të kënduar së bashku klasiken “Time to Say Goodbye”, duke nderuar një numër personazhesh që kanë ndërruar jetë vitin e fundit.
Ndër të tjera, çmimet e Akademisë i bënë homazhe aktorit të Dumbledore Michael Gabon, Alan Arkin, Paul Reubens, Harry Belafonte dhe yllit të Curb Your Enthusiasm, Richard Lewis.
Në fakt, Perry nuk u përfshi gjatë nderimit përkatës në BAFTA, duke shkaktuar reagime te fansat e tij. Akademia Britanike u përgiugh duke thënë se do të nderonte kujtimin e tij në ndarjen e çmimeve të Akademisë së Televizionit Britanik.
