E ftuar sot në emisionin “Big Brother Fan Club” ishte Sara Gjordeni e cila sqaroi situatën e djeshme pas largimit të Bardhit nga BBV3. Në Prime-in e djeshëm ajo tha që është pak skeptike në lidhje me daljen e papritur të tij , duke hedhur aludime se dalja ishte e planifikuar nga persona të tretë.
"Shumë njerëz thonë që dje u nxitova, fola në mënyrën e gabuar. Unë isha në dijeni që Bardhi do ta linte shtëpinë. Mendoj që nga stafi i tij mund të kishte pasur menaxhim më të mirë të situatës", u shpreh ajo.
E pyetur nga moderatorja, Enxhi Nasufi nëse ka ndonjë konflikt mes saj dhe menaxherit të Bardhit, Sara u përgjigj: "Përveç Bardhit dhe familjes së tij, nuk më intereson çfarë mendon një palë e tretë. Unë me Jetmirin (menaxherin) kam pasur një marrëdhënie shumë neutrale, kam kontaktuar vetëm për punë."
