Dyshja dikur ishin miq, por tani Kanye West dhe Ozzy Osbourne nuk po flasin pas vitit të diskutueshëm të reperit në rrjetet sociale.
Ai u ndalua nga mediat sociale pasi shpërndau mesazhe antisemitike, si dhe u sulmua për ndarjen e fotove eksplicite të gruas së ti, Bianca Censori. Por gjithçka filloi kur Ye kërkoi të përdorte muzikën nga grupi i Ozzy-t Black Sabbath.
Rokeri refuzoi dhe e quajti Kanye një "antisemit" për disa nga gjërat që ai kishte thënë në internet, gjëra për të cilat kërkoi falje në formate të ndryshme, duke përfshirë një video shpjegimi. Por tani Sharon ka folur për grindjen e familjes së saj me Ye.
Ish-gjyqtarja televizive foli me djalin e saj Jack në podcast-in e tyre familjar. Ajo tregoi se ata 'kanë lëvizur' nga mosmarrëveshja me Kanye, por duket se nuk duan të rregullojnë marrëdhënien.
Mostra nga grupi i Ozzy-t u përdor përfundimisht, por Sharoni tha Jackit: "Thjesht nuk donim që njerëzit të na lidhnin me të për shkak të qëndrimit të tij ndaj çështjeve aktuale të cilat janë shumë të rëndësishme për mua dhe babin tënd."
Më pas Jack zbuloi se "të gjithë u çmendën" gjatë grindjes publike, pasi Ozzy u fut në llogaritë e tij në mediat sociale për të sulmuar Kanye.
Në Instagram, ai shkroi: "Kanye West kërkoi leje të merrte një pjesë të një shfaqjeje live të "War Pig" të vitit 1983 dhe iu refuzua leja sepse ai është një antisemit dhe ka shkaktuar dhimbje tek shumë njerëz. Ai vazhdoi dhe përdori mostrën gjithsesi në festën e dëgjimit të albumit të tij mbrëmë. Unë nuk dua asnjë lidhje me këtë njeri!", u shpreh artisti./Lapsi.al
