Presidenti i Francës Emmanuel Macron dëshiron Kupën e Botës. Franca, pasi mundi Marokun në gjysmëfinale, duhet të sfidojë Argjentinën në stadiumin Lusail, për kapitullin e fundit të Kupës së Botës 2022. Presidenti i Republikës Franceze shpreson se Les Bleus do të mund të ruajë titullin e kampionëve të botës. E, për t'i inkurajuar ata, ka një plan. Macron mendon të sjellë në ndeshje lojtarët francezë, të cilët nuk ishin në gjendje të merrnin pjesë në turne për shkak të dëmtimeve. Mes tyre, Karim Benzema, Paul Pogba dhe N'Golo Kante. Yjet e Bleus të dëmtuar duhet t'i japin mbështetjen e tyre skuadrës.
PLANI I MACRON
Sulmuesi i Real Madrid dhe mesfushorët e Juventus dhe Chelsea humbën mundësinë për të marrë pjesë në Kupën e Botës. Macron, megjithatë, dëshiron që këta lojtarë të marrin pjesë në finale gjithsesi për të inkurajuar shokët e tij të kombëtares. Ministrja franceze e sportit, Amelie Oudea-Castera, shpjegon Marca, konfirmoi interesimin e Macron për të sjellë lojtarë të lënduar në finale: "E di që mezi pret për ta bërë këtë dhe se është duke e studiuar. Do të shohim nëse është e mundur”.
Kante ka pësuar një dëmtim në tendinën e gjurit dhe nuk zbret në fushë prej disa muajsh. I njëjti fat për Pogba, i cili dëmtoi meniskun në verë. Nga ana tjetër, Benzema tashmë është rikthyer në stërvitje me Real Madrid. Sulmuesi kishte pësuar një dëmtim në mes të nëntorit. Trajneri i kombëtares franceze Dider Deschamps u pyet së fundmi nëse sulmuesi, mund të ishte i pranishëm në finale, por trajneri nuk u përgjigj: “Kalojmë te pyetja tjetër”.
Benzema nuk do të jetë në fushë, por Macron shpreson se ai do të jetë i pranishëm. Ashtu siç shpreson që Pogba dhe Kante të mund të fluturojnë në Katar. Mesfushori i Juventus e ka marrë aprovimin e klubit. Por a do të jetë në gjendje presidenti që me planin e tij të ndihmojë Francën ta mbrojë titullin?
