Ekzekutimi i pashmangshëm i planifikuar për sot për protestuesit e dënuar në Iran nuk ka ndodhur ende. E megjithatë, klima e terrorit po ushqehet në vendin islamik, me përhapjen e lajmeve për dënime të reja me vdekje. Sot u zbulua vendimi i dënimit me vdekje për ish-futbollistin Amir Nasr-Azadani, 26 vjeç. Bashkë me të edhe për aktorin e teatrit Hossein Mohammadi, që është në të njëjtën moshë. Faji i tyre është pjesëmarrja në protestat kundër regjimit.
Lexo më tej: Futbollistët e Iranit nuk kënduan himnin, për protestë kundër regjimit
Azadani e Mohammadi u arrestuan pasi ishin në demonstratat që përfshiu Iranin pas vdekjes së Mahsa Amini. Ngjarja ndodhi ndërsa ajo ishte e arrestuar në kazermën e policisë morale, për mosmbajtjen e hixhabit sipas rregullave. Amiri dhe Hosseini për gjyqtarët e Republikës Islamike janë dy tradhtarë. Ndërkohë, pavarësisht egërsisë së autoriteteve të ekspozuara më 8 dhjetor me varjen në agim të protestuesit 23-vjeçar Mohsen Shekar, mesazhet e aktivistëve dhe njerëzve të thjeshtë po ndezin rrjetet sociale. Ata kërkojnë që të arrestuarit dhe të dënuarit të kthehen në shtëpi. Postimi i aktores franceze Juliette Binoche e cila lutej të ndalonte ekzekutimin e aktorit Hossein Mohammadi dhe protestuesve të tjerë u ripostua mijëra herë.
