Flash

Video/ "Futbolli është karakter". Vila i jep fitoren në debutim Martinit: Teuta mbyt Kukësin, shkarkohet Dobi

Lapsi.al 11 December 2022
Video/ "Futbolli është karakter". Vila i jep fitoren në

Pas katër ndeshjesh pa fitore, Teuta rikthehet të buzëqeshë në debutimin e teknikut Edi Martini. Shkodrani, që zëvendësoi Bledi Shkëmbin në pankinë, i gëzohet fitores 0-1 në transfertë me Kukësin. Lorenco Vila ishte vendimtar me golin në minutën e 61, duke shfrytëzuar asistin e Grudës. Tre pikë, në javën e 13 të Superiores, që e afrojnë formacionin durrësak me pjesën tjetër të skuadrave.

Vila i jep Edi Martinit fitoren e parë, në ndeshjen më të rëndësishme: “Kjo është një fitore shumë e rëndësishme, ishte jetike për ne. Ja dolëm përballë Kukësit, edhe pse ishte e vështirë. Këto 3 pikë janë shumë të rëndësishme për ne. Ndryshimet që bëra në pjesën e dytë dhanë rezultat, e dinim që do kishin ndikim - shpjegoi Martini -. Unë ju thashë edhe djemve që e kemi nisur sot kampionatin. Na duhen pikë, nuk duhet të kënaqemi në mënyrë absolute, futbolli do shpirt. Po e shohim edhe në Botëror që po eliminohen ekipe të mëdha dhe po fitojnë skuadra si Maroku. Futbolli është karakter”, u shpreh Martini.

Lexo më tej: Në mes të Botërorit, rikthehet kampionati i Superiores: ndryshon kalendari i ndeshjeve për muajin dhjetor

KRIZA E KUKËSIT

Teuta mbetet ende në vendin e fundit të renditjes me 11 pikë, pavarësisht fitores në Kukës. Megjithatë, skuadra e Martinit tani është vetëm një pikë larg Kukësit, në zonën playout. Distanca nga shpëtimi tani është vetëm katër pikë larg dhe në Durrës kanë nevojë të besojnë. Kukësi, ndërkohë, përfshihet nga kriza. Tekniku Enkelejd Dobi shkarkohet nga pankina, menjëherë pas ndeshjes. Në motivacionin e klubit është mungesa e rezultateve. "Mendoj që kultura e edukata nuk më lejon të vazhdoj diçka që nuk jep efekte - tha Dobi -. I falënderoj nga zemra që më dhanë një mundësi, shpresoj të kthehet në rrugën e duhur dhe vendin e duhur. Ndaj unë sot i bëra të qartë ekipit që jap dorëheqjen për të mirën e klubit. Për të komentuar ndeshjen janë fjalë boshe që nuk kanë vlerë".

[video width="1280" height="720" mp4="https://cdnimpuls.com/lapsi.al/wp-content/uploads/2022/12/teuta-gol.mp4"][/video]

Të këshilluara

ide

Parodia me taksimin e të pasurve nga kryeministri i tyre

Pavarësisht nga retorika, nuk mund të përkundet asnjë iluzion, se Edi Rama i është bashkuar trendit global për reduktimin e pabarazive. Sepse debati që po gëlon sot ka në thelb shqetësimin se mos thellimi i tyre po çon drejt shkatërrimit të demokracisë. Ndërsa tek ne ndodh e kundërta. Eshtë vullneti për të asgjesuar demokracinë që po prodhon më shumë pabarazi

13:31 Andi Bushati

MOTI TIRANA

17°c

KËMBIMI EURO

90.02

aktuale

Ndiqe Lapsin edhe në

Me interes nga publiku

Me sytë katër

PAPARAZZI